Plan Renove de Iluminación Interior 2011

INFORMACIÓN DE INTERESE

30-07-2012: Por mor do remate do Plan, non é posible solicitar máis axudas

ACCESO A APLICACIÓN INFORMÁTICA 

VISOR DAS ENTIDADES COLABORADORAS ADHERIDAS AO PLAN

LISTAXE DE BENEFICIARIOS

 - Modelo de Declaración de Compromisos (Agrupacións)

- Modelo Xustificación de Aforro

- Modelo de Declaración Xurada de Exención de pago do IAE

Para resolver dúbidas:

correo electrónico: renoveiluminacioninterior@inega.es

Tlfnos:981 54 15 00

 Bases da Convocatoria

RESOLUCIÓN do 15 de decembro de 2011 pola que se establecen as bases reguladoras para a concesión de subvencións en réxime de concorrencia non competitiva relativa ao Plan Renove de Equipos de Iluminación Interior, se regula a selección de entidades colaboradoras que participarán na súa xestión, e se convocan as devanditas axudas como anticipadas de gasto.

Resolución do 9 de xaneiro de 2013 pola que se lles dá publicidade ás entidades colaboradoras adheridas así como aos beneficiarios das axudas do Plan Renove de electrodomésticos, fiestras, equipamentos de climatización e equipamentos de iluminación interior e do Plan de vehículos eficientes.

 Obxectivo

O Plan Renove de Equipos de Iluminación Interior está incluído no Programa IDAE-Inega 2010 de Axudas Públicas a Investimentos en Eficiencia Enerxética dentro do Plan de Acción 2008-2012 da E-4.

Trátase de fomentar a mellora da eficiencia enerxética, a través da renovación de instalacións existentes, de Equipos de Iluminación Interior por outras máis eficientes, reducindo así o consumo

Actuacións subvencionables (máis información art. 3º das bases)

- A substitución de lámpadas e luminarias convencionais por outras de maior eficiencia.
- A substitución de balastos convencionais por electrónicos.
- A instalación de sistemas de regulación e control a través de fotocélula e de detectores de presenza.

As actuacións teñen que levar asociado unha redución anual, de ao menos un 30% do consumo de enerxía convencional en iluminación interior, garantizando un confort lumínico adecuado a tarefa a realizar.

Subvencionable o material  e a súa instalación

Contía da axuda (máis información art. 3º das bases)

O 25% do custo elixible da nova instalación

Límites:
- 1.500 € por vivenda unifamiliar/piso.
- 10.000 € por edificio de vivendas en bloque.
- 25.000 € por edificio do sector terciario.

A inversión mínima para que a actuación sexa elixible deberá ser de 500€.

O custo elixible máximo por unidade recóllese na táboa do apartado 2 do artigo 3 das bases

Beneficiarios (máis información art. 9º das bases)

Persoas físicas e xurídicas de dereito público ou privado, propietarios ou titulares de calquera dereito sobre inmobles do sector residencial e terciario, comunidades ou mancomunidades de veciños, sempre que a actuación subvencionable se realice en vivendas ou edificios do sector terciario sitos na Comunidade Autónoma de Galicia.

 Entidades colaboradoras (máis información arts. 7 e 8 das bases)

Características técnicas esixibles:

 Ordenador PC con sistema operativo Windows ou ordenador Mac.

• Velocidade de acceso a internet superior a modem 56kb.
• Navegadores: Internet Explorer versión 6 ou superior, Mozilla Firefox version 2.0.0.17
• Programa de lectura de pdf´s Acrobat Reader versión 6 ou superior.
• Dispor dunha conta de correo electrónico.

Procedementos de adhesión:

Adhesión simplificada (renovación de entidades colaboradoras)

Pasos a seguir:

• Acceder a aplicación informática co usuario e contrasinal do ano 2010.
• Actualizar os datos no apartado "O meu perfil".
• Adherirse ao plan no apartado "Alta de Solicitude"  e imprimir o Anexo I e III.
• Presentar os Anexos e a documentación no Inega.

 Nota: No apartado  de "Axuda" da aplicación ten máis información dos pasos a seguir.

Adhesión ordinaria (alta de novas entidades colaboradoras)

Pasos a seguir:

• Acceder a aplicación informática e crear a súa conta de usuario da aplicación pulsando en "Rexistrarse".
• Adherirse ao plan no apartado "Alta de Solicitude"  e imprimir o Anexo I e III.
• Presentar os Anexos e a documentación bo Inega.

Nota: no apartado de "Axuda" da aplicación ten máis información dos pasos a seguir.

Prazo para a adhesión: do 28/12/2011 ata o 9/01/2012, ambos inclusive.

Procedemento para acceder ás axudas (mási información art. 10º das bases)

1. O comprador dirixirase a un instalador adherido ao Plan Renove de Iluminación Interior 2011 e adquire o equipo obxecto da subvención.

2. O instalador realiza a solicitude de reserva de fondos mediante a aplicación web habilitada ao efecto, imprime o impreso da axuda e o comprador asina a súa conformidade.

3. O instalador ten 60 días naturais dende o día seguinte a data de reserva de fondos para:

• Realizar a instalación.
• Cobrar o importe da factura co desconto da axuda establecida, calculada na aplicación informática.
• Remitir ao Inega toda a documentación que se indica no artigo 10 para o cobro da subvención. 

Prazo para a reserva de fondos: desde o 1 de febreiro ata o 30 de xullo de 2012 ou ata que se esgote o crédito.

ACCESO A APLICACIÓN INFORMÁTICA