Funcións
As súas funcións xerais son:
- Elaborar e propoñer á consellería competente en materia de enerxía planos e programas en materia enerxética.
- Promover e, de ser o caso, executar os proxectos indicados, aprobados pola consellería competente en materia de enerxía.
- Controlar, vixiar e inspeccionar as instalacións de producción, conducción, distribución, subministración e consumo de enerxía, tendo como obxectivo prioritario a seguridade das instalacións.
- Propoñer a elaboración de disposicións para o establecemento, o desenvolvemento e a xestión da política enerxética.
- Desenvolver programas de asesoramento enerxético e auditorías para fomentar actuacións de aforro e mellora da eficacia enerxética, así como elaborar proxectos de racionalización do uso da enerxía e promover o aproveitamento dos recursos enerxéticos.
- Fomentar e participar en programas e proxectos de investigación e desenvolvemento de tecnoloxías enerxéticas, bens de equipo e servizos relacionados coa enerxía.
- Fomentar e participar na avaliación e implantación de sistemas de produción de enerxía baseados en recursos endóxenos -de orixe interna-, con especial promoción dos que utilicen enerxías renovables e de coxeración.
- Elaborar estudos e realizar e emitir informes e recomendacións en materia enerxética para entes públicos ou privados.
- Organizar programas de formación e reciclaxe profesional, en colaboración con centros de formación de ámbito universitario e profesional.
- Orientar os usuarios nos hábitos de consumo enerxético mediante campañas e actuacións específicas.
- Fomentar a participación das empresas e institucións galegas nos programas enerxéticos estatais e internacionais; principalmente, os emprendidos pola Unión Europea, así como emitir informes e asesorar sobre as directrices e os programas comunitarios dirixidos ó ámbito enerxético.
- O Inega poderá ter a representación da Comunidade Autónoma nos organismos previstos pola Lei 54/1997, do 27 de novembro, do sector eléctrico, así como por calquera outra lei en materia enerxética.
- Exercer calquera outra función técnica, material ou xurídica que, en relación coas materias da súa competencia, se lle encomende ou competa ó instituto no marco desta lei.
Para o exercicio de tales funcións o Inega pode:
- Establecer convenios e contratos con institucións públicas ou privadas interesadas no ámbito das súas funcións.
- Colaborar con outras administracións para favorece-la adopción de medidas de aforro e de racionalización na produción, distribución e subministración de enerxía.
- Constituír e/ou participar en sociedades, calquera que sexa a súa forma, sempre que o seu obxecto se relacione coas finalidades do instituto, logo do informe previo da Consellería de Facenda.
- Promover o establecemento de liñas de financiamento para a realización de proxectos enerxéticos por conta propia ou en colaboración con outras institucións públicas ou privadas.
